رحمك الله ياوجهٍ تغطى بالثرى وارتاح
رحمك الله ياشيخٍ توفى كان اسطوره
رحمك الله يالصارم فمان الله يالمزاح
رحمك الله يالنادر في حكمه وفي شوره
فمان الله يا روحٍ تنوح بفقدها الأرواح
عظيم الحزن من غابت مذوقنا قسى جوره
عليك قلوبنا تحزن يانبع الطيب والاصلاح
وطيفك ماتغيّب يوم عن الألباب بحضوره
رحمك الله يالغالي ياوجه الخير والافراح
حشى والله عقب موتك نعيش بنفس مسروره
عسى الفردوس منزالك مقيلك فيه والمسراح
متهني ومتنعم من الخيرات من حوره
وعسى تبرى القلوب اللي أنين الشوق فيها ناح
حنين الوجد ذابحها تبكي الصوت والصوره
قلوبٍ حبتك والحب لازاد الغلا ذباح
عسى الله يجبر قلوبٍ عقب فرقاك مكسوره
ليست هناك تعليقات:
إرسال تعليق