ياربوع الحزن وهمومن تزايد
لايعيدك من ربوع
هلت دموعي كمثل النو جايد
والحزن قلو اسبوع
مشغلن قلبي وتفكيري وبالي
...
يوم ابن صايل رحل عم البلايد
هم واحزان ولوع
وانطلق يا لسن وارثي ياقصايد
واذرفيلي يادموع
هذا ابن صايل ترون الفقد غالي
...
يوم وصل العلم ولان العلم كايد
ماقدر جسمي يزوع
بعد ابو سلمان موتي ياعوايد
ياسوالف ياشروع
وانطوي ياصفحة اخلاق الرجالي
...
كان رجالن كفو عند الشدايد
كان رجالن قنوع
كان لاهل الطيب والناموس قايد
شايلن زين الطبوع
يالله انك ترحمه يا ذالجلالي
رد الشاعر حسن حيان
يافضائيات واصحاب الجرايد
يالمضارب والربوع
وثقوا ذالحزن كالنار الوقايد
واسجدوا لله خضوع
واجب انا نحمده عل كل حالي
...
كيف اصافح كيف اهني كيف اعايد
والألم خلف الضلوع
عفت زادي عفت شربي والوسايد
وانطفت كل الشموع
يوم ابو سلمان مايضحك قبالي
...
صحْ لسانك ياعلي سقت الفرايد
والمواقف نوع نوع
الحزن عمَّ الموالي والمحايد
شفت فعيون الجموع
دمع مثل النو من سود الثمالي
ليست هناك تعليقات:
إرسال تعليق