مرثية إبن المرحوم بإذن الله .. جابر "لاهي"

ياضيم قلبٍ قاسي الهم كاويه
حزنه تجدد بالخفاء كل ليله

فاقد وريث المجد والعين تبكيه
اللي شملنا بالمكارم جميله

حزني لبو سلمان لا بان خافيه
حروف شعري بالمعاني كفيله

ابوي ببقى باقي العمر ناعيه
هو راعي الطاله وحامي الدخيله

ياوجد روحي كل ماجيت برثيه
والهم في صدري تثاقل مشيله

كل القبايل من قسى الفقد تنعيه
رمز الشهامه صعب نلقى بديله 

مرحوم ياشيخٍ تجلت معانيه
بالمرجله والكايده و الثقيله

شيخن على طيب النوايا مباديه
حازم على كسب الفخر والجميله

في أبن صايل يالقصيد وقوافيه
لا ما توّفي لو كتبنا الجزيله

له مجلسن عامر على الطيب بانيه
منصى الرجال اللي تطول الطويله

كسّابتن طيب المفاخر اياديه
شيخ  المواقف يحتمي من يجيله

رجلن على الطاله تعلت هقاويه
انشهد انه للمكارم دليله

اذا احتمى به راعي الكرب ناصيه
والله مايرجع ونفسه ذليله

حكيم راي ولا بدا القول ينهيه
وله كلمتن تعدل لها كل ميله

وتواضعه بين البشر في مساعيه
حتى الصغير اذا استشاره يشيره

يرحمه خلاق البرايا ويعفيه 
الاهنا اللي بالدعا نلتجي له

ويغفر له الذنب ومن النار ينجيه
ويجعله في جنات عدن تضيلة

وانا بو يحيى من نصاني بوفّيه
والكف ماهي بالعطايا بخيله

طب ياسليل العز والقلب موصيه
يتيمنا يبشر بما يهتني له

مايلحقه باس وهمومن تناجيه
دونه سيوفن ماتثنى سليله

حنا حزامه فالشدايد ونحميه
ونكون له مثل الخليل للخليلة