ياهاجسي والوضع ماهو تساهيل
سوق البيوت اللي موثق رسنها
العيد أقبل وأشعلوبه قناديل
والناس بالفرحه تجلى حزنها
وعيدٍ بدون أبوي أسود من الليل
وفرحته بالعالم بعيدين عنها
يالله طلبناك السعد فالمقابيل
ويالله ترحم غالي راح منها
دمعي تناثر من عيوني همالليل
وحزني ملا صدري وروحي شحنها
ودموع من يغلوك يابوي كالسيل
وإن جفت بلحظه طيوفك نعنها
لا ياوجودي وجد عودن يبي الشيل
عاثر وزادته البلاوي بمحنها
ولاحوله قراب ولاله من أيعيل
يعاصر الدنيا الدنيه بفتنها
ولا ياوجودي وجد راعي الغرابيل
لقمة عياله غصب يلقى ثمنها
كبير سن وناحل العود والحيل
ومافيه حاجه في يده مارهنها
وأهل العطا نادر يجي عابر اسبيل
وأهل الكرم موطنه ماهو بوطنها
وجدن سهومه مثل طير الأبابيل
على فراق أبوي مدمي طعنها
وجدن غدينا بسبته كالمهابيل
وهمومنا تحكم و تامر وتنها
يالله عسى مثواه بعلى المنازيل
في جنت الفردوس مع من سكنها
ليست هناك تعليقات:
إرسال تعليق