ياللي شقى روحي وشوقي لماضيك
اشفق علي من شوق يجرح عروقي
قد شان يومٍ شفت شاشٍ يغطيك
شوى لهيب النار شاني وشوقي
نظرت لك والدمع ماشن وانا ابكيك
اشتقت لايامك وشورك يشوقي
والله يبو سلمان لك شان معليك
يشوش له حتى المشوّش بعوقي
شدشدت ظهري والشراشف تغطيك
بس انحنى صلبي وشدت عروقي
واصبحت بشتات الفكر كيف ابنعيك
للقوم من بعدك وشوّش خفوقي
خطبٍ مهاااب اشلون ابخبر محبيك
إن الشهاب الشهم ماله شروقي
اضحى مسجى في كفن له مشابيك
مشدودةٍ شدٍ بليا شقوقي
مشى فنعشك كل من كان يشريك
اعمارهم شتان فيها فروقي
شايب شباب وشبل والجمع يرثيك
كلٍ يبو سلمان بعدك شفوقي
يدعي بديع الشان لا جاب طاريك
تعبر سراطه مثل لمع البروقي
وتسكن جنان الخلد تنظر لباريك
ونلف حولك كلنا مثل طوقي
ليست هناك تعليقات:
إرسال تعليق