بانت على وجهي تعابير الاحزان
والعين فاضت بالدموع الغزيره
وانهّد حيلي يوم قيل إبن سلمان
فاضت إلى الله روحه المستنيره
ياطيب المربى وياشاجعٍ كان
وقت الله الله له مواقف كثيره
تبكي عليك الارض وعيون الانسان
والطيب واهل الطيب في كل ديره
يابن ال مهتي لو كتبت الف ديوان
تبقى حروفي ناقصاتن قصيره
ياعدل ميزان التواضع والاحسان
ياحد من حد السيوف الشطيره
كنت المثل في كل مبدا وميدان
تمشي على منهج حكيم وبصيره
ياقدوة العالم شبابٍ وشيبان
رمز الوفا والصدق خوه وجيره
لوما كتبنا لك خواطر وقيفان
مكتوب لك في صفحة المجد سيره
فقدك يابو سلمان غبنه ونقصان
على القريبين وجميع العشيره
والله يعظم اجركم يال شبان
ويجبر قلوبٍ من فراقه كسيره
والله يعظم اجركم يال هملان
الخطب كايد والمصيبه كبيره
وانا طلبته خالقي عالي الشان
من وحشة القبر وعذابه يجيره
ويجعل ختامه مسك روحٍ وريحان
مع النبي في حوض جنه خضيره
ليست هناك تعليقات:
إرسال تعليق